تداول نشطاء مواقع التواصل الاجتماعي خلال الساعات الماضية، تصريحات نارية لإعلامية ياسمين عز ورضوى الشربيني.

بداية الخلاف جاء بعد نشر احدى الصفحات تغريدة قال إن رضوى الشربيني من صرحت بمضمونها، وجاء فيها: “البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها”، وهو فعليا أحد تصريحات ياسمين عز المثيرة للجدل.

لتسارع رضوى الشربيني للرد والتوضيح، اذ اعادت نشر التغريدة على حسابها عبر تويتر، وأرفقتها بالتعليق التالي: “وأنا اقول الكلام ده ليه.. انا ست عندها كرامه.. كلام العبيد ده مش بتاعي!”.

الأمر الذي دفع ياسمين عز، للتعليق على الأمر عبر حسابها الشخصي بموقع التواصل الاجتماعي الفيس بوك والرد قائلةً : "ويحك يا دعسوقة.. كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة.

وأضافت ياسمين عز: "مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه سلينا كده في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده فى الحياة العادية وبقوله في العلن".

وتابعت: "إنما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع فالعلن تحكيلنا مأساة المرأة الإغريقية، كده إنتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء".

واختتمت ياسمين عز حديثها قائلة: "بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات".

المصدر : وكالات