تداول رواد مواقع التواصل الاجتماعي خلال الساعات الماضية، فيديو انتحار شاب مصري بإلقاء نفسه من أعلى سور القلعة بمنطقة مصر القديمة بالخليفة، بعد إجراء بث مباشر على صفحته الشخصية فيسبوك.
وخلال الفيديو المتداول ظهر فيديو الشاب الذي يدعى مصطفى نور، وهو يسير على قدميه وبدأ في الحديث إلى كاميرا هاتفه المحمول عبر خاصية البث المباشر، قائلاً :«أنا الفترة الأخيرة دي اتعرضت لمواقف كتير صعبة، خلتني إنسان ضعيف مبقتش قادر أستحمل، فقررت إن أنا خلاص كدة أنهي حياتي..روحت البرج قالولي ممنوع تدخل لوحدك، فجيت هنا أنا دلوقتي في القلعة وهنط دلوقتي، متابعًا: مش مسامح أبويا، مش مسامحه، أبويا هو اللي وصلني لكده».
وبعد أن أنهى الشاب حديثه اختفت صورته في إشارة إلى قيامه بإلقاء نفسه، وبعدها سقط الهاتف لتظهر عدة أصوات من حوله بعد أن غاب عن الوعي، وظهر صوت أحد الأشخاص يطالب بسيدة أخرى بإبلاغ الشرطة.
وكانت آخر رسائل الشاب مصطفى نور المنتحر في القلعة اليوم، بساعات قليلة قبل إلقاءه لنفسه والإقدام على الانتحار، حيث قال : «قررت أنهي حياتي بنفسي..افتكرونى بالدعاء..الحمد لله».
وفي رسالة أخرى قال الشاب : «عديت بصعوبات كتير لوحدى و استحملت كتير جدا و لسه مكمل ، اتعلمت كتير جدا و لسه بتعلم ، الحمد لله على كل حاجه حصلت و هتحصل ، و عمرى ما هنسي مين وقف جمبى ولو ب كلمه و عمرى ما هنسي برضو مين اللى خذلنى و صدمنى ، و هفضل شايلها لوحدى بفضل الله و نعمته ، ربنا يخليك ليا يا ابويا يا روح قلبي و ضهرى ف الدنيا و ما يحرمنى منك و يشفيك يارب..هفضل ممتن ليك ف كل حاجه حلوه ف حياتى..و ربنا يرحمك يا جدى حسن يارب ، كنت شايل عنى كتير يا جدى..دايما بترحم عليك و بدعيلك يا حبيبي..يارب احفظ لى اخواتى و ابويا و امى يااااااااااااارب».
فيديو الانتحار شهد ضجة واسعة عبر مواقع السوشيل ميديا، وسط مطالبات من قبل الكثيرين بضرورة الحد من انتشار الفيديو نظراً لاحتوائه على مشاهد قاسية.
بدورها، نفت أسرة الشاب ما تم تداوله عن وفاة ابنها المنتحر، وكشفت الأسرة أنه بخير، والآن يتلقى العلاج داخل أحد المستشفيات بمنطقة المعادي، لتعرضه لبعض الإصابات والكسور نتيجة قفزه من أعلى السور.
المصدر : وكالات
