كشف الفنان هشام المليجي سبب عدم زواجه حتى الآن، رغم تقدمه بالسن.
وقال هشام المليجي، في تصريحات لبرنامج "كلام الناس" على قناة Mbc مصر: "لم أتزوج من قبل، الموضوع ده كبير، في 3 إجابات جاهزين ممكن أقولهم ونكمل البرنامج، لكن لو هنتكلم بجد فالموضوع كبير، ومكنتش فاضي والله، ولسه بكون نفسي".
وتابع: "مفيش نصيب دي حاجة بتاعت ربنا، لأن في ناس أتجوزت وفي ناس متجوزتش، الموضوع عادي، الجواز ده في خطأ شائع أنه حب ولازم نكون حاجة معينة، ولكن هو اشتراك بين اتنين عايزين يعملوا أسرة، فلازم يكون الأفكار والأهداف متقاربة، الشكل مش مؤشر لحاجة".
وذكر: "عشان الجواز مهم جدا لازم الواحد يأجله آخر حاجة في حياته ولو مفيش حزن وفشل مكنش هيكون فيه طعم في الفرح فلازم الواحد يمر بتجارب قاسية حتى يشعر بطعم النجاح".
واستطرد الفنان: "أنا مش جرىء ومعنديش حاجة أخجل منها وعديت الـ50 سنة وتاريخ ميلادي اللي موجود على الانترنت مش حقيقي وبزعل لما البنات بتكتبلي على فيسبوك اني كنت الكراش بتاعهم زمان".
المصدر : وكالات
