وقالت إلهام شاهين خلال مداخلة هاتفية مع الإعلامي عمرو أديب في برنامج "الحكاية": "ليه الناس زعلانة إننا نظهر الأفكار التي كانت تملأ العقول من داعش؟ والزي اللي أنا لبساه في البوستر مش اختراعنا ده زي الداعشيات فعلًا، فمحدش يقول ازاي تحطي لا إله إلا الله على دماغك وبعدين تقتلي، فهو ده الواقع اللي بيحصل، وأنا سعيدة بحاجة إن الفن مؤثر وبيعملهم رعب وعشان صورة قلبت الدنيا".

وأضافت: "الدور دا هيكون من الأدوار المؤثرة في حياتي، والناس بتحكم على العمل من صورة الأفيش، واللي بنعمله هو إننا بننقذ الشباب على مستوى أنحاء العالم اللي بيروحوا ينضموا لتلك الجماعات الإرهابية، وإن فيه ناس بتتاجر بالدين".

وعن مهاجمتها عبر إحدى القنوات، ذكرت إلهام شاهين: "فيه واحد على إحدى القنوات بيهاجمني وبقوله ياريتك تنفعل مش على مسلسل ولكن تنفعل على داعش والناس المصريين اللي اتدبحوا على الشط في ليبيا".

وتابعت إلهام شاهين: "الناس بدل ما تهاجمني لازم تشكرني على الدفاع عن الدين الإسلامي، ما أرتديه هو زي الداعشيات وليس زي من اختراعي. متسائلة: هل داعش هي من تمثل الإسلام؟، متابعة: "أنا ضد تفكير داعش ولا أروج لفكرهم بل أفضح أفكارهم.. إنتوا زعلانين ليه؟".

واختتمت: "كل أدواري ليها رسائل مهمة وحتى الدور المنحرف له رسائل مهمة، والحقيقة بدل ما نتكلم على الفن نروح نتكلم على الأفعال الحقيقية التي تسئ للإسلام، وعمري ما خوفت من أي حاجة، وحاليًا بنصور المسلسل ما بين لبنان وسوريا وتركيا، وهو عبارة عن 15 حلقة في النصف الأول من شهر رمضان، ودوري بيظهر في الحلقة الرابعة أو الخامسة".

"بطلوع الروح" من بطولة منة شلبي وإلهام شاهين وأحمد السعدني ومن تأليف محمد هشام عبية وإخراج كاملة أبو ذكري.

ويعد مسلسل "بطلوع الروح" هو التعاون الثالث بين منة شلبى والمخرجة كاملة أبو ذكرى، حيث قدما سويًا فيلم "عن العشق والهوى" عام 2006، مع النجم أحمد السقا، كما قدما سوياً مسلسل "واحة الغروب" عام 2017، وشارك في بطولته النجم خالد النبوي.

المصدر : وكالات