رد مطرب المهرجانات حسن شاكوش، على تصريحات نقيب المهن الموسيقية في مصر، الفنان هاني شاكر، والتي تضمنت منعه من الغناء بشكل نهائي.
وقال هاني شاكر في تصريحات تلفزيونية: ”سحبنا ترخصيه تمامًا نهائي بدون رجعة، لأنه حقيقي مش ناقصين في الوسط الفني هذه النوعية من الفن، الغريبة، والعجيبة اللي إحنا بنشوفها في الفن النهاردة، بالناقص حسن شاكوش“.
بدوره، علق شاكوش على القرار بأنه يحترم قرار النقابة، قائلًا ”لغاية آخر لحظة محترم قرار النقابة، أنا مشوفتش القرار، الناس اللي قالولي، والشغلانة دي هي أكل عيشي، هو قال بناقص حسن شاكوش؟ أستاذ هاني شاكر يقول اللي هو عايزه“.
وأضاف في مداخلة هاتفية لقناة ”إم بي سي“، ”أنا دلوقتي أقدر اشتغل برا مصر بس، دي أول غلطة ليا، حاولت اتصل بكذا حد في النقابة عشان نحل.. أنا مينفعش ابقى بشتغل برا مصر ومش عارف اشتغل في بلدي.. دلوقتي بسجل أغاني انزلها الفترة الجاية، بس الواحد ملوش نفس، أنا اتصالحت أنا ورضا هو أخويا ومفيش أي مشاكل“.
وكان نقيب الموسيقيين هاني شاكر، أشار في تصريحاته إلى أن قرار إيقاف حسن شاكوش عن الغناء نهائيا، جاء بسبب تقديمه لأغنية أمام الجمهور، وصفها بـ“الإباحية“ على المسرح، والتي رد بها على زميله الفنان رضا البحراوي، وأهان من خلالها قطاعا كبيرا داخل الوسط الفني.
وأكد أن النقابة ترفض ذلك، بشكل قاطع، وقال: ”المشكلة كبيرة وخطيرة، وعلى قد اللي اتعمل دا، متعملش في أي حته، مش بس في مصر أطلع أغني غنوة إباحية على المسرح، وأخلي الجمهور يشاركه غنائها“.
وقال هاني شاكر إن شاكوش ”غلط بفئة مهمة في الموسيقى العربية.. الطبالين دول ولادنا وأخواتنا، وفي ولادنا مش كلهم زي ما بقول، هو مثل موجود أنا عارف، لكن يقوله على المسرح ويركز عليه، ويكون قاصد الإهانة.. مش مقبول“.
بالرغم من اعتذار شاكوش لرضا البحراوي، ولنقابة الموسيقيين، إلا أن ذلك لم يشفع له لدى النقابة، بعد أن اعترضت فئة الطبالين على ما قام به مطرب المهرجانات، مطالبين بشطبه لتوقف النقابة ترخيصه بشكل نهائي.
المصدر : وكالات
