تصدرت الفنانة المصرية "داليا البحيري" مواقع التواصل الاجتماعي والصحافة المصرية خلال الساعات الماضية، بعد تصريحاتها الأخيرة المطالبة بفرض حظر كامل للتجوال في مصر .

وكتبت داليا عبر حسابها على "الفيسبوك": "مبقاش أنا محبوسة في البيت أنا وأهلي داخلين على 36 يوما وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد "حيوان" كان مقضيها خروج بيتفسح ولا كان على باله اللي احنا فيه".

وتابعت: "حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كده والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية".
 

تصريحات داليا عرضتها لهجوم كبير من قبل نشطاء مواقع التواصل الاجتماعي، الأمر الذي دفعها للخروج في فيديو عبر صفحتها لتوضح ما قصدته.

وقالت البحيري خلال الفيديو" أنا مش من هواية اني أعمل فيديوهات جادة، بس أردت أوضح انا كنت كاتبه ايه، انا بقالي 36 يوم حابسه نفسي في البيت، ونزلت مرتين عشان حاجات ضرورية".

وتابعت " البوست كان للأصدقاء وعشان كده كنت بتكلم براحتي عشان البوست  مش عام، وانا لم اكتب حاجة اخجل منها على الإطلاق وأنا طلبت حظر كامل، لأن في ناس بتتسوق في العتبة والموسكي عادي جدا".

وأضافت "بشكر الدولة على الإجراءات التي اتخذتها لعدم نشر الفيروس، لكن الدولة مش هتشتغل لوحدها، لازم نكون يد واحدة، لازم نوعي الناس البسيطة".

وأوضحت أنها لم تهاجم العمالة اليومية، وعلقت "أنا عاملة حملة مع بنك الطعام، لدعم العمالة اليومية، وفي مؤسسات كتيرة دعمت العمالة اليومية، وطالبت المصانع توفير أماكن لعدم انتقال العمال بين القرى والمدن".

وطالبت "ياريت نسيب الشوارع للناس اللي يحتاجون استخدامها مثل الممرضين، وعمال الدلفيري،  والعمالة اليومية، إنما لما  حد يزحم الأماكن عشان نازل يتفسح ده غير مقبول".

واختتمت حديثها بشكر جميع العاملين في القطاع الصحي "ربنا يحميكوا ويحفظكوا"، الذين يكافحون  فيروس كورونا المستجد.

المصدر : وكالات